終於繼續再寫日記~

過左瘋狂的兩個月~
賭波户口D$$就好似過山車一樣~
不斷上上落落,由於無本生利~
一直都係用瘋狂狀態去賭~又最高既二千去到最少既百二~
再上番千七~又落番去一千~
最後決定離場不賭~買部PRINTER算~

不斷畫D唔想畫既畫,設計D海報一D問題都無但係就比人插到暈,
真係命苦,被插原因係因為佢唔鍾意,世上真係只有D藝術家先可以鍾意做乜就做乜,
仲有幾個月就捱完,不過結果都係去第二度再捱過.

係時候做下PART TIME,係屋企真係好悶,瘋狂地睇港漫,
用左5日時間DL+睇天子傳奇5(1-180期)比如來神掌吸引左去睇,結果失望~
好在有本勁好睇既說英雄誰是英雄頂住~
又不停咁睇VCD同DVD,好在忍手,如果唔係又多一堆碟,
忍得住睇番D舊碟~

最近發現女朋友極討厭我身邊出現女性,唔理好醜都唔得－＝－
女朋友生活真繁忙,又要返工又要返學,對比起我真係......
見得少左好多,不過我覺得一星期有兩三日都夠~~

寫左唔係好多~但係都已經交代差唔多兩個月既生活,真係......