唔記得~

今日星期日都要返工~但係唔記得帶電話~
我好想知你見我唔見搵我唔到會點?會唔會好似你講咁我已經無咁重要而唔多掛住我~
你會有好似失去我既感覺嗎?

好煩惱~

我想搵好多好多錢~因為有好多野都想~想買份好少少既禮物都唔得~
已經無咁唔開心~但係都仲係會搵金利殺手~有D事係一定要解決的!!!!

差唔多三年~又再重開~

轉變好大~工都轉埋~終於讀緊室內設計~好多好多~

過去想買既野幾乎一樣都無買過~好奇怪~只要有一段時間無能力買~唔駛過好耐就會變得就算見到都仲鍾意~最後都會諗來諗去諗一大餐到最後都係唔買~



過左三年~有好多野都變左~自己變得最好~有好多以前得個諗字既事都真係去做~始終都要有動力先會做~



宜家最重要都仲係搵份自己想做既工~同三年前都係無變~三年內做既工都令我學到好多野~工作上既人際關係~無諗過會成為革命份子~係機場做野真係好開心~不過只可當做人生經驗~重來無接觸過既word同excel~宜家熟到可以教番用開既女朋友轉頭~



有樣野同之前無變既係~仍然會有時想唔起某幾日自己去過邊做過咩~唔通我真係比外星人拐去研究~因為我覺得我近幾個月既學習能力好強~學autocad同3dsmax都學得好快~心想愈快愈好~因為我真係好想轉工~

XP~

部電腦已經short到無得再short~終於忍唔住要出手~
format~轉用xp~其實唔係太想用xp,因為用慣2000
但係他媽的3dsmax個註冊要係xp先用到~真係xxxx
裝左之後發覺順左好多,因為之前d垃圾真係多到爆,
仲有好多野要裝番~明天待續......

復活~

其實日日都想寫,但係一D動力都無,
就連4日內嬴馬嬴過萬都無寫低佢~就係懶~
可惜D$$要資助阿媽過年用~
真係要同我收購排行榜咁多樣野講聲SORRY~
唯有寄望今年D利士去打救佢地~

間房換左傢私係唔同D,真係財源滾滾來,
過兩日要去買缸7-11出品既金魚缸加強我既財運先得XD
想買左好耐,無奈一直比女朋友阻止,因為佢話$99貴~
雖然我都覺~但係食少一至兩餐都係番度,
直到嬴$$佢先無阻止我,係時間接D金魚返來~

近排瘋狂地睇日劇~剛剛開始睇在世界中心呼喚愛,
原本決定唔到睇電影版定日劇先,
最後決定睇電影先,好彩無選錯~睇左濃縮版再睇詳細D真係好D~

終於都進入終極考試~生死存亡就睇今次~
壓力都幾大~因為要用未學過3D去完成一部份既設計(因為選題關係)
最理想係用兩個月時間去用熟3DS MAX~

祝大家同自己新年快樂~咩都順利~波馬齊嬴XD~

擇日補番一個月日記~用腦記住~真難得仲記得~因為我有青年痴呆~

~

有發現~

今日又訓到三點~
一起身女朋友就打來話就來到~
一起身咩都未做就要走落去接佢－＝－
佢來到我就比佢睇我執既相叫佢比D意見~
話哂佢都識化妝~佢好驚訝問我點整,仲叫我試比佢睇~
相信佢仲未知D雜誌同海報D相都係咁執出來~
不過佢話我執條眉執得唔好~因為我唔識化妝~
佢又買左beard papa's D奶油野我食~真係好食~
無幾耐佢走去訓~訓醒就番屋企食飯－＝－
佢走左我都食飯~
食完上網發現左驚人既消息~
就係繼七年我第一隻想玩既英文ON9 GAME之後第二隻想玩既ON9 GAME開始左公開測試~
LEE隻GAME就係WORLD OF WARCARFT~係WARCARFT間公司出~內容仲有幾似~
知道左我馬上去註冊玩~點知發現另一驚人消息~就係過左免費註冊期－＝－
唉~想玩就去買隻成四舊水既GAME LA~茂利．．．．．．
就係慘呀~仲諗住要被迫同D外國人溝通下順便苦練下英文,
真係想問阿媽拿四舊水話上網學英文－＝－