我所認為既極樂世界~

我所認為既極樂世界~
就係~~~全日乜都無做過~~~但係又無睡覺~
極度得閒~又無人搵佢~又無人同佢講野~又野做~
只係行行企企~訓都無訓~對住張白紙一日~
其實不本係有野做~我係想畫畫~結果過左一日佢都仲係一張白紙

估唔到我經歷咁既一天~
太神奇......

每個星期六都係咁~~~

星期六~比電話嘈醒~篤波~食飯~(完)

每個星期六都係咁~
見到既人都不離李教練~CHICHI~馬騮~
同非經常出面既MIKE~
飯係去印尼食既~好耐無去~不過D野食都無咩點變~
食完歸家~

今日完全無接觸過DL完INSTALL左又玩到既三國誌十~
全日最可惜既事係馬騮太早訓~幫唔到我買波但係又早左~

為NBA LIVE 2005而發狂(二)~

今日一起身已經十二點~
要用極速澡涼食野同換衫~
一衝到番去都差不多三點~
不過番到去第一反應就係~頂.................................................
估唔到有野係無聊得過睇變變身命力唔睇字幕無唔轉麗音~
睇住一張張既WINDOW DISPLAY既相係面前閃過~
之後就有個阿叔講兩句廢話~真係相死~
眼見一個一個既人好似排隊打靶咁一個一個倒下~
而我竟然係支持到最後既死剩種~
因為我真係想睇下D相~

放左之後去搵女朋友~去左又一城行~
行左一陣就走~因為佢話累~
無得去宜家真可惜~我真係想去睇下我想買果件野有貸未~

返到屋企差D唔記得NBA LEE件事~
一醒起就馬上INSTALL等玩~
結果係玩唔到~原因不明~
大約係因為我張非主流既DISPLAY CARD因DIRVER問題~
導致玩唔到~又令我想買電腦~不過都係算~因為見有三國誌十DL
決定轉戰三國誌十~

搵工之事決定係遲少少開始考試日日都唔駛返先搵~

為NBA LIVE 2005而發狂~

放得假多真係無哂感覺~
如常係三點後先起床~
真係起身得食飯~

其實我任何時間都幾得閒~但係唔知點解D人會覺得我好忘~
無LALA有人打來~開場白係"做咩咁耐先聽電話~好忙呀?"(電話只係響左兩下)
之後講多兩句"你咁忙唔阻你LA~88"
基本上我係無咩基會講野~
最近經常出面LEE類電話~我懷疑過係咪比人玩電話,
但係D來電有人名(代表係識得)
真無奈~

終於等到食完飯~都係唔睇電視~我每日都睇唔夠半個鐘電視~
對住個電腦呆左陣~突然記起今日出NBALIVE2005~
馬上是但去個BT網DL~
之後一邊睇書一邊等DL完~
結果等左幾個鐘都未DL完就訓左~

惡夢~

唔會係咪尋日太忙既關係~
尋晚竟然發惡夢~
題目:異形~~~~~~狗~　－＝－
雖然我早幾日睇過異形～
但係都唔駛過幾日就夢見掛~仲要係一隻異形狗~
LEE隻野真係樣衰~夢見果時係有衝動打巴佢~
由於佢出場一陣就變番隻正宗既異形~
所以都係無打巴佢而選擇走人~
結局係佢無LALA自爆,成地血咁就玩完~但係佢D血係正常紅色既血－＝－

夜晚同女朋友去唱K~都有一排無唱~多左好多新歌~
但係NEWAY D野食真係唔掂~一唱就唱左幾個鐘~真係唔覺唱左咁耐~

老豆今日換左部新車~不過我仲未有機會揸同座~
不過向來我都唔係咁鍾意揸車~所以無咩特別期望~

開始四圍搵時間好既PART TIME~~

勁~

尋日唔做野~今日真係大X獲~
完全估唔到D公仔要用超過十個鐘係電腦度做OUTLINE~
幾乎全日進入左個得我同電腦既世界~
不停做不停做~野都無食~等做完哂先食第一餐~
最後用左十三個鐘完成十二隻公仔,速度一般慢~
做到中段因為長時間對住部電腦所以慢左好多,
其實用左九個完成,其餘個四個鐘去執好佢,
不過執既過程真係獲益良多,間接令到功力大進－＝－

經過今次真係唔敢再張D野堆到最後一日先做,
我怕終有一次我會做唔哂就大獲~
終於有得訓......

突然好忙~

得閒又想忙,忙又想得閒,真係......
由於我既LAYOUT被接納採用,所以D公仔全部由我負責,
真係有排忙~

今日心情都係差~全日都無咩出聲,真係懷疑有D人覺得我係啞或者自閉,
愈來愈討厭咁既生活,時間過快D LA唔該~真係想座時光機去幾個月後~
再唔係番幾日前比我買氣六合彩都得~

人馬座呀~好想要~不過暫時真係唔想買玩具~
希望唔好咁快賣清LA~

好運結束~衰運開始~

星期日只可以無無聊聊咁過~
雖然係有畫要畫,但係都係提唔起勁,
做咩都唔順利,D好運走得真快~

心情整差,打左隻毛公仔幾拳,
咁既生活真係難頂,準備搵PART TIME做~
衰運降臨~不易賭博~後果自負~

繼續行運~

再一次比電話嘈醒~
結果又係要出街,不過同尋日唔同~今日係去篤波,但係結果一樣都係有所收獲.

發覺自己D技術開始下降~可能係同近期集中力不足有關,
結果都係輸多嬴少~篤完之前就去買飯返屋企食,
又去左最正既帝王買排骨飯+燒賣食~正~~~
買完出來~旁邊係馬會~走左入去~買左一條飛~結果羸左$$7XX~
始終都走唔出"波"既魔掌~
原本想買既野有望入手,但係女朋友就快生日~都係忍下手先~

歸家途中~發現有班狗係度玩3P－＝－
仲要係馬路中心,差D比車車中~一獲熟......

今次既運究竟會維持到幾時呢???

行運~

已經係今年唔知第幾多十次被電話嘈醒~
起身已經係中午兩點~放假真係......

一起身就比人捉左去打牌,由於今日要去接女朋友放工,
所以就用打牌來消耗時間,等夠鐘~
基本上係無咩心機打,因為唔係咁鍾意打,
所以都係亂打一通,運既出現~令到一個亂咁打既人羸哂~~
最後都係張嬴返來既$$買書,DVD and食物~

返到元朗同女朋友去食飯~
帝王D點心真係正~

今日總算無聊得有點兒收獲~
唔通真係"生意淡薄,不如賭博."

可惡~

近排一直諗住某D野~
但係幾乎晚晚都夢到,就好似同你講"白痴~發夢就有可能!!!!"
真係無奈~

有好多野想買:
PANDA-Z
聖衣神話-人馬座
牛角第三代(出左咁耐都仲未買)
異形1-4集BOXSET
龍珠完全版
MP3機 (首選Ipod)(因為同時間想買多個Hard Disk)

放假令我既生活更無聊,連出街行下都懶,真係......
好在下星期應該會好忙,無咁多時間比我係度無聊~

終於繼續再寫日記~

過左瘋狂的兩個月~
賭波户口D$$就好似過山車一樣~
不斷上上落落,由於無本生利~
一直都係用瘋狂狀態去賭~又最高既二千去到最少既百二~
再上番千七~又落番去一千~
最後決定離場不賭~買部PRINTER算~

不斷畫D唔想畫既畫,設計D海報一D問題都無但係就比人插到暈,
真係命苦,被插原因係因為佢唔鍾意,世上真係只有D藝術家先可以鍾意做乜就做乜,
仲有幾個月就捱完,不過結果都係去第二度再捱過.

係時候做下PART TIME,係屋企真係好悶,瘋狂地睇港漫,
用左5日時間DL+睇天子傳奇5(1-180期)比如來神掌吸引左去睇,結果失望~
好在有本勁好睇既說英雄誰是英雄頂住~
又不停咁睇VCD同DVD,好在忍手,如果唔係又多一堆碟,
忍得住睇番D舊碟~

最近發現女朋友極討厭我身邊出現女性,唔理好醜都唔得－＝－
女朋友生活真繁忙,又要返工又要返學,對比起我真係......
見得少左好多,不過我覺得一星期有兩三日都夠~~

寫左唔係好多~但係都已經交代差唔多兩個月既生活,真係......