雖然又係訓得果幾個鐘,不過都有睇波,
雖然捷克既控球比率低過幾多,但係一個角球兩個反擊就KO左丹麥~
今次又比我中左個半全場,和主都有4.5倍,不過加加埋埋都係打過和,真係可惜~
今日又遲到,已經連續遲左幾日,一返到去就有組員同我講~
佢地好狠心咁清除組中的瘀血,都唔知係咪好事,因為我主張留主佢先,
原因係買野多個人比$－＝－
近排沉迷於GBA模擬器,不斷DL GAME玩,因為網球王子既關係,
我不停咁玩GBA隻網球王子－＝－ 仲有好多中文化左既RPG GAME,
可惜係簡體,中文版既寵物小精靈真係正,知道個故事特別好玩,
真係好~有玩不完既GAME－＝－
睇完法國場波,法國真係唔掂,
睇完之前出奇咁精神就上網搵下有咩漫畫睇,
搵搵下發現左原來我睇開個網一直都有網球王子,
於是就決定睇下,點知又真係幾好睇,雖然誇左D,不過都係好睇,
一路勁睇~睇到差唔多二百話先停,果時已經係早上10點,有D眼訓就凡左訓~
訓到四點起左身,上左陣網就去左足智彩個網,
見到今晚瑞典對荷蘭~又係出動既時候la －＝－
我相信今場和波多(90分鐘)
我支持瑞典打敗荷蘭,因為我出奇咁憎雲尼,
因為佢既言論成日九唔搭八,最記得係對德國之後有報導話佢講~
今場係為二次大戰而戰......
不過我好予盾,因為我買左雲尼首名入球 －＝－
今朝睇完網球王子,突然好想睇下其他,比我諗起有套叫鬥球小子既漫畫,
上網搵左陣都無就去左yahoo拍賣場睇下有無人賣同貴唔貴,
見到一套18本最平二百蚊,考慮緊收唔收購佢......
捷克三戰全勝出線,對德國出咁多後備都嬴－＝－
原因係德國埋門果腳的確廢,真係無眼睇,
已經兩日無賭波,因為兩日都有場買唔落手,
瑞典果場連馬會都張和波賠率同2:2波膽降低~廢事買~
捷克LEE場就估唔到埋門果腳仲係同對拉脫無分別~~
8強開始再返去LEE個戰場－＝－
今日返去又要分組做野,面對一個無任何專長既人,
要考慮比唔比佢入組真痛苦,不過最後都係比佢入組,
因為佢咩都唔掂都可以分擔下D開支~
明天去釣魚,真係怕矖到勁黑~
唔知好唔根玩呢?
捷克真係勁到爆,果然係我最鍾意既國家隊,
仲要比我買中上半場荷蘭嬴捷克下半場反嬴^0^26倍呀~
係我暫時嬴得最多$$既一次,可惜德國果場輸左D,
無諗過德國咁差,荷蘭上半場D遠射真係比佢嚇到彈起,
好彩有驚無險~今日真係LUCKY~
今日去左飲,因為一個表哥結婚,
勁多人,仲要十個九個我識再加十個十個都無計傾,
悶到差D想走佬,真係痛苦~
終於睇埋另一隻VCD,都真係一般好睇,但係我記錯左原來唔係法國片,
不過都係法國拍的－＝－ 睇完之後原本想睇睇左十萬幾次既求戀期,
但係因為肚餓去左搵野食,搵到又無左件事,最後都無睇到,
間歇性失憶真係嚴重,
睇完一場大戰~好眼訓－＝－
嬴波真係勁開心~
真係好彩~葡萄牙場波無無聊聊想玩下首名入球~
見波圖個中場文尼治遠射咁強就買10蚊玩下~
點知真係中左~咁就嬴左百幾蚊－＝－
之後又買波膽英格蘭羸2:0 3:0 4:0同其他~
最後開3:0~又嬴幾十蚊~如果入多球就多幾百蚊－＝－
咁落去～好快有＄＄買相機～
今日無聊想起一個演員"詹瑞文"
就去左買隻有佢份既vcd睇~
就係買兇拍人~雙槍雄~諗起都好笑~
雖然已經睇過幾次,但係都仲係勁笑,
真係一套好戲~
另外仲買左套幾年前係有線睇過既戲~
係一套法國既人狼片,不過仲未睇,
應該都唔錯,因為我記得幾好睇先買~~
今日終於完成左本書,應該都有一排唔駛咁忙~
D同學再一次搵我去釣魚,但係難得忙完可以休息下,
要我去曬一日太陽,咪玩LA~我唔想中暑~
今日幫我阿媽張個電話投注可以係網上投住,
見佢個戶口有百幾蚊,手痕買左3場馬,
估唔到三場中左兩場,最後嬴左幾十蚊~我真係勁$.$
不過比阿媽輸番我嬴果D －＝－
仲有兩場波膽,唔知會唔會中呢? XDDDD
又要繼續做運動,開始考慮去唔去游水,
因為樓下個泳池又開番~~
星期六踢完波後都無咩事~第二日訓醒就出事~
起初條腰都係少少痛,但係再過一日(即係今日)就開始勁痛,
連坐低起身都痛,真痛苦,過多日仲係咁都真係要睇下醫生,
本書既製作已經進入最後階段,過埋星期三就可以休息下la~
今日行過一個房見到入面有好多建築模型,全部都勁靚,
難怪今年既室內設計被喻為十年來最高水平~
無有線真係痛苦,咁得閒想睇波都無得睇,
雖然網上可以睇到,但係勁lag~睇來都無意思~
準備參加一個商標設計比賽~嬴左有$5000~$o$~
不過都係玩下,邊有咁易拿獎丫~~~
今日醒左就食~食飽就呆~
呆左一陣先記得有個手提電話廣告草圖要畫,
記憶力開始衰退,應該差不多到退休年齡－＝－
雖然記得,但係無心情畫,因為打機頭痛證開始唔打機都發作,
下午陪阿媽去換智能身份証,估唔到咁快,半個鐘都唔駛~
係迷你論壇見到D人討論緊龍族開新SERVER~我又有D想玩,
之後去左官網睇下,有度係講舊既SERVER有D咩公會,估唔到我地個死死團仲係度
未比人DEL真係神奇,難度阿爺仲有每個月都入一入去睇下－＝－
到左12點,又係開始想訓同要開始畫草圖既時間,
真係驚會有一次唔夠時間做,下次都係早幾個鐘開始先得－＝－
今日係交咭片既deadline,所有人都係等到今日先交,
所有人不斷四圍派咭片,都差不多換左廿張番來,有幾張都真係幾好,
本書下星期就要交貨,自己果本基本上已經完成左80%
但係我果組做左一半都唔夠,真係要快快手做埋佢.
過埋下個星期就開始無咁多野做,不過都係暫時性,就快可以休息下~
幾日無打機,打左一陣竟然頭暈,唔打又無事,
真係痛苦,被迫睇睇過n次既vcd,連睇3隻都係睇左一陣無睇,
睇到第4隻先有心機睇完全套,如果有$多真係想買魔戒1-3集個dvd boxset
一次過睇哂3集佢,諗起都覺得勁~
終於開始做運動,因為今日又比人話我愈來愈肥,真係忍受唔住,
瘦身~纖體~瘦身~纖體~瘦身~纖體~瘦身~纖體~瘦身~纖體~瘦身~纖體~
瘦身~纖體~瘦身~纖體~瘦身~纖體~瘦身~纖體~~~~~~~~
原來唔係明天要交既野,真係無乜原動力去做,
面對住一堆相和一堆字,展開一連串痛苦既排版,
唉~我果group人表面上好似把工作分配得好好,
其實我就覺得有d搵笨,製作一本書成個過程,
要用腦既地方除了封面設計,就只有排版,我果group有五個人,
一個搜集資料,一個scan圖,一個執相,一個排版,一個印刷,
除左排版,我原意做任何一個工作,搜集資料真係無得頂,
排版要掌管成group人既生死,佢地真係睇得起得,
係我最唔想用腦既時候比d咁既野我做,
正煩惱轉讀室內設計?讀完lee個先讀?
定讀完lee個先讀搵到野做先再讀室內設計?
成日困係屋企真係幾苦悶,得閒真係要出去做下運動,個個見到我都話我肥左,
又或者買部相機出去四圍影下,不過財政正在重整中,暫時未可以買,
Dark Green Lomo Fed 5 呀~~~~~~~~~~~~~~
感情生活唔錯,無乜煩惱,真係好~
但係女朋友搵到工做,見面時間張會減少~~
